انعام الرحمان

چیف ایگزیکٹیو

انعام الرحمان داؤد لارنس پور لمیٹڈ، ٹیناگا جنراسی لمیٹڈ اور ری اون انرجی لمیٹڈ کے چیف ایگزیکٹیو ہیں۔ ٹریننگ، ہیومن ریسورس ڈیویلپمنٹ، بزنس ڈیویلپمنٹ اور ریٹیل مینیجمنٹ کے حوالے سے ان کا شمار ملک کے بہترین پیشہ ور افراد میں ہوتا ہے۔ وہ لاہور یونیورسٹی آف مینیجمنٹ سائنسز کے معاون استاد بھی رہے ہیں۔ انھوں نے یو ای ٹی، لاہور سے الیکٹریکل انجینیئرنگ میں بی ایس اور لمز سے ایم بی اے کی ڈگری حاصل کی ہے۔

شفیق احمد

شفیق احمد نے 2007 میں داؤد گروپ میں شمولیت اختیار کی۔ وہ گروپ کے مختلف اداروں میں سینیئر عہدوں پر کام کرچکے ہیں۔ اس وقت وہ کمپنی کے مالی معاملات کی نگرانی کررہے ہیں اورہولڈنگ کمپنی کی سطح پر چیف فائنانشل آ فیسر کے طور پر کام کررہے ہیں۔ وہ سیان لمیٹڈ، داؤد لارنس پور لمیٹڈاور ری اون انرجی لمیٹڈ کے بورڈ آف ڈائریکٹرز میں بھی شامل ہیں۔وہ انسٹی ٹیوٹ آف چارٹرڈ اکاؤنٹنٹس آف پاکستان سے تربیت یافتہ چارٹرڈ اکاؤنٹنٹ ہیں اور انھوں نے کراچی یونیورسٹی سے قانون کی ڈگری حاصل کی ہے۔

عبدالصمد داؤد

صمد داؤد نے یونیورسٹی کالج لندن، یوکے سے اکنامکس میں گریجویشن کی ہے اور پاکستان انسٹیٹیوٹ آف کارپوریٹ گورننس سے ڈائریکٹر آف کارپوریٹ گورننس میں سرٹیفیکیٹ کے حامل ہیں۔ وہ داؤد لارنس پور لمیٹڈ، دی حب پاور کمپنی لمیٹڈ، اینگروفوڈز لمیٹڈ، اینگروکارپوریشن لمیٹڈ ، اینگرو فرٹیلائزر لمیٹڈ اور ری اون انرجی لمیٹڈ کے بورڈز میں ڈائریکٹر کے فرائض بھی انجام دے رہے ہیں۔وہ ینگ پریذیڈنٹس آرگنائزیشن، پاکستان چیپٹر کے رکن بھی ہیں۔

شاہد حامد پراچہ

چیئرمین

شاہد حامد پراچہ داؤد لارنس پور لمیٹڈ، ٹیناگا جنراسی لمیٹڈ اور ری اون انرجی لمیٹڈ کے چیئرمین کے طور پر خدمات انجام دے چکے ہیں۔ وہ اینگرو فرٹیلائزر لمیٹڈ، اینگرو پاورجین لمیٹڈ اور اینگرو پاورجین قادرپور لمیٹڈ کے بورڈز کے ڈائریکٹر بھی ہیں۔ وہ داؤد ہرکولیس کارپوریشن لمیٹڈ اور داؤد فاؤ نڈیشن کے چیف ایگزیکٹیو کے فرائض بھی انجام دے چکے ہیں۔ انھوں نے یونیورسٹی آف سیلفرڈ، یو کے سے الیکٹریکل انجینیئرنگ میں گریجویشن کی ہے۔ داؤد گروپ میں کام کرنے سے قبل وہ آئی سی آئی پی ایل سی کے پاکستان آپریشنز میں ایک طویل عرصے تک مختلف سینیئر عہدوں پر خدمات انجام دے چکے ہیں۔ اس کے علاوہ وہ یوکے میں موجود بنیادی ادارے میں بھی بین الاقوامی سطح پر فرائض انجام دے چکے ہیں۔وہ پاکستان سوسائٹی فار ہیومن ریسورسز مینیجرز کے بانی رکن بھی ہیں۔ وہ کراچی اسکول فار بزنس اینڈ لیڈرشپ کے تعاون سے قائم کردہ کراچی ایجوکیشن انیشی ایٹیو کے پہلے سی ای او بھی رہے ہیں۔

اطہر ابرار خواجہ

اطہر ابرار خواجہ اس وقت اینگرو انرجی لمیٹڈ (EEL) کے چیف ایگزیکٹو آفیسر کی حیثیت سے خدمات انجام دے رہے ہیں۔ اس عہدے میں، اطہر کمپنی کے بجلی پیدا کرنے والے اثاثوں یعنی اینگرو پاورجن تھر لمیٹڈ (EPTL) اور اینگرو پاورجن قادر پور لمیٹڈ (EPQL) کے ذمہ دار ہیں۔ تقریباً 20 سال پر محیط اپنے پیشہ ورانہ کیریئر میں انہوں نے مختلف شعبوں جیسے کہ پراسیس انجینئرنگ، پراجیکٹس، مارکیٹنگ، اسٹریٹجک سورسنگ اور بزنس ڈویلپمنٹ میں متنوع تجربہ حاصل کیا ہے۔ اس سے قبل، اطہر 2023 سے EPTL کے چیف ایگزیکٹو آفیسر کی حیثیت سے کام کر رہے تھے اور اب بھی اس عہدے پر فائز ہیں، ساتھ ہی ساتھ وہ اپنی موجودہ ذمہ داریاں بھی نبھا رہے ہیں۔ انہوں نے 2004 میں EPCL میں بطور پراسیس انجینئر شمولیت اختیار کی اور ترقی کرتے ہوئے 2014 میں جنرل منیجر ٹیکنیکل کے عہدے تک پہنچے۔ اس عرصے کے دوران، وہ اُس پراجیکٹ ٹیم کا حصہ تھے جو بیٹن رُوج، لوئزیانا سے VCM پلانٹ کی منتقلی، تعمیر اور کمیشننگ کی ذمہ دار تھی۔ اس کے علاوہ، وہ بزنس پلاننگ ڈیپارٹمنٹ کے سربراہ بھی رہے جہاں انہوں نے EPCL کے لیے پہلا طویل مدتی EDC سورسنگ معاہدہ طے کیا، اور 2013 میں 20 ہزار ٹن VCM کی ریکارڈ برآمدات ممکن بنائیں۔ سنہ 2015 سے 2018 تک انہوں نے آئی سی آئی پاکستان میں کیمیکل بزنس کے لیے مارکیٹنگ کی قیادت کی۔ انہوں نے 2018 میں Engro Polymers میں GM ایکسپینشن پراجیکٹس کے طور پر دوبارہ شمولیت اختیار کی۔ EPCL میں اُن کی کامیابیوں میں PVC 3 اور VCM DBN ایکسپینشن پراجیکٹس کی قیادت شامل ہے۔ انہوں نے COVID-19 وبا کے دوران منصوبوں کو کامیابی سے مکمل کروایا اور انہیں تجارتی طور پر کامیابی سے متعارف کرایا۔ بعد ازاں وہ نائب صدر پراجیکٹس اور بزنس ڈویلپمنٹ کے عہدے پر فائز ہوئے، جہاں وہ ادارے کی طویل مدتی ترقیاتی حکمت عملی کی تشکیل کے ذمہ دار تھے۔ انہوں نے میک گل یونیورسٹی، مانٹریال، کینیڈا سے کیمیکل انجینئرنگ میں بیچلر کی ڈگری حاصل کی ہے۔